Byłoha padpałkoŭnika KDB Alaksieja Chrałoviča pieraviali na turemny režym
Sud pa zamienie režymu ŭtrymańnia prajšoŭ 24 kastryčnika.
09.11.2023 / 09:41
Alaksiej Chrałovič. Skrynšot ANT
Alaksiej — były padpałkoŭnik KDB. U Minskim haradskim sudzie 30 sakavika 2022 hoda jaho asudzili da 10 hadoŭ kałonii va ŭmovach uzmocnienaha režymu i štrafu 500 bazavych vieličyniaŭ (na toj čas 16 000 rubloŭ) pa č. 2 art. 356 KK (zdrada dziaržavie). Taksama jon pazbaŭleny vajskovaha zvańnia «padpałkoŭnik». Pad vartaj da suda jon utrymlivaŭsia kala hoda, nahadvaje «Viasna».
Zhodna ź infarmacyjaj, ahučanaj u filmie na dziaržtelebačańni, Chrałovič mieŭ dačynieńnie da pieradačy Ściapanu Puciłu ŭ listapadzie 2020 aŭdyja razmovaŭ pres-sakratarki Łukašenki Natalli Ejsmant z roznymi słužbovymi asobami. Mienavita ŭ hetych zapisach viałasia razmova pra abstaviny hibieli Ramana Bandarenki.
Pa infarmacyi pravaabaroncaŭ, 24 kastryčnika ŭ Navapołacku adbyŭsia sud pa zamienie Alaksieju režymu ŭtrymańnia. Pa rašeńni sudździ Taćciany Chrypač palitviaźnia pieraviali na turemny režym.
Padtrymajcie palitviaźnia: Turma № 4. 212011, h. Mahiloŭ, vuł. Krupskaj, 99A.
Čytajcie taksama:
Sprava fihurantaŭ filma «Mankurty» dajšła da suda
Byłoha padpałkoŭnika KDB Alaksieja Chrałoviča asudzili da 10 hadoŭ kałonii ŭzmocnienaha režymu