U Minsk budzie lotać tureckaja avijakampanija
Southwind Airlines była stvorana ŭ 2022 hodzie dla palotaŭ z Turcyi ŭ Rasiju.
03.11.2023 / 16:32
Fota: Blizko.by
Siońnia na pres-kanfierencyi, pryśviečanaj Dniu hramadzianskaj avijacyi, hiendyrektar Nacyjanalnaha aeraporta Minsk Viačasłaŭ Charanieka raspavioŭ, što novaja avijakampanija budzie lotać u Minsk, piša Blizko.by.
— U nas prachodzić afarmleńnie nieabchodnaj dakumientacyi ŭ Departamiencie pa avijacyi tureckaja avijakampanija «Paŭdniovy viecier» (Southwind). Jany płanujuć pačać paloty ŭ Biełaruś i ŭ Stambuł.
Southwind Airlines — maładaja tureckaja čartarnaja avijakampanija, jakaja była stvorana ŭ 2022 hodzie dla palotaŭ z Turcyi ŭ Rasiju. U kampanii 14 samalotaŭ Airbus i Boeing, jana vykonvaje paloty ŭ Rasiju, Izrail, Niamieččynu i Šviejcaryju.
Usie rejsy z Turcyi vykonvajucca z Antalji.
Šmat hadoŭ ź Minska ŭ Turcyju lotała avijakampanija Turkish Airlines. U lutym 2022 hoda jana časova prypyniła rejsy, ale tak i nie adnaviła ich.
«Biełavija» lotaje ŭ Stambuł ź lipienia 1996 hoda.
Čytajcie taksama:
«Biełavija» paćvierdziła incydent z rejsam Stambuł-Minsk