Palitviazień Anatol Puhač, jaki chvareje na ankałohiju, vyjšaŭ na volu
Chłopca zatrymali 13 śniežnia, na nastupny dzień paśla viartańnia z Polščy. U Biełaruś jon pryjechaŭ na abśledavańnie, bo za miažoj u jaho vynajšli ankałahičnaje zachvorvańnie.
01.11.2023 / 12:40
Jaho abvinavacili ŭ abrazie Łukašenki pavodle č. 1 art. 368 KK. Spravu razhladała sudździa Aksana Litvinčyk.
Pa materyjałach abvinavačańnia, chłopiec «paśla prahladu videazapisaŭ, jakija źmiaščali abrazu prezidenta, raźmiaściŭ na svajoj staroncy ŭ sacyjalnaj sietcy ŭkazanyja videazapisy, tym samym pryniziŭ honar i hodnaść Alaksandra Łukašenki». Sud pryznačyŭ Puhaču 1 hod kałonii va ŭmovach ahulnaha režymu.
Svoj termin Anatol adbyvaŭ u navapołackaj kałonii № 1. Pa infarmacyi «Bieraściejskaj viasny», 23 kastryčnika jon vyjšaŭ na volu, piša «Viasna».
Čytajcie taksama:
Na volu vyjšli palitviaźni Alaksiej Mihno i Ihar Novikaŭ
Vyjšaŭ na volu Uładzimir Hanusievič
Adrazu piać palitviaźniaŭ, asudžanych za ŭdzieł u akcyjach pratestu, vyjšli na volu