Lidar CHAMAS u siektary Haza zrabiŭ pieršuju publičnuju zajavu z pačatku vajny
Lidar CHAMAS u siektary Haza Jachja Sinvar prapanavaŭ abmianiać zakładnikaŭ, jakich utrymlivaje hrupoŭka, na bajevikoŭ, jakija znachodziacca ŭ izrailskich turmach. Pra heta paviedamlaje The Times of Israel.
29.10.2023 / 13:27
Lidar CHAMAS u siektary Haza Jachja Sinvar. Fota: Majdi Fathi / NurPhoto via Getty Images
«My hatovyja nieadkładna ŭkłaści ŭhodu pa abmienie pałonnymi, jakaja ŭklučaje vyzvaleńnie ŭsich paleścinskich źniavolenych ź izrailskich turmaŭ u abmien na ŭsich pałonnych, jakija ŭtrymlivajucca paleścinskim supracivam», — skazaŭ Sinvar.
Jak adznačaje «Ruskaja słužba Bi-bi-si», heta pieršaja publičnaja zajava Sinvara z pačatku vajny.
Terarysty zachapili zakładnikaŭ padčas ataki na terytoryju Izraila 7 kastryčnika. U zakładnikach znachodziacca kala 230 čałaviek.
Ranicaj 28 kastryčnika ŭ CHAMAS zajavili, što atrymali ad Maskvy śpis z vaśmi čałaviek, u jakich jość rasijskaje hramadzianstva, i paabiacali adpuścić ich.