Zatrymali dyrektara partała Abw.by. HUBAZiK pahražaje ŭłaśnikam biznesu
Mužčynu vinavaciać va ŭdziele ŭ pratestach.
28.10.2023 / 16:53
Vital Palakoŭ. Fota: Ukantakcie
Vital Palakoŭ — minčuk. Viadoma, što raniej jon zajmaŭsia prajektam Viber_auto_forums. Apošnim časam pracuje dyrektaram kampanii «Bonustorh», jakaja vałodaje partałam ABW.BY.
Ciapier jaho zatrymali. U videa pakazanyja jahonyja foty z pratestaŭ, a taksama dopisy ź inšych zakrytych čataŭ i asabistych pierapisak. A taksama akcentujecca ŭvaha na tym, što jon «dobra zarablaŭ — 4-5 tysiač rubloŭ u miesiac».
U kancy dopisu HUBAZiK pahražaje ŭłaśnikam biznesu — maŭlaŭ, ciapier jany ŭ adpačynku, ale musiać «rychtavacca, bo siły im chutka spatrebiacca».
Nahadajem, u červieni minułaha hoda byli zatrymanyja hałoŭny redaktar vydańnia Abw.by Julija Mudreŭskaja i redaktar śpiecprajektaŭ partała Juryj Hładčuk. Julii ŭ vyniku prysudzili paŭtary hoda kałonii, a Juryju — dva z pałovaj hady.
Čytajcie taksama:
Razhromleny jašče adzin ŚMI: zatrymali redaktaraŭ viadučaha aŭtamabilnaha partała