Mužčyna, jaki zastreliŭ 18 čałaviek u štacie Men, znojdzieny miortvym

Imavierna, jon ździejśniŭ samahubstva.

28.10.2023 / 07:35

Robiert Kard. Fota: palicyja Ljustana

Mužčyna, jaki padazrajecca ŭ zabojstvie 18 čałaviek u horadzie Ljuistan u amierykanskim štacie Men, znojdzieny miortvym paśla troch dzion pošukaŭ, paviedamlaje Bi-bi-si sa spasyłkaj na palicyju.

Cieła 40-hadovaha Robierta Karda znajšli pobač z Centram pierapracoŭki śmiećcia. Jak paviedamlajuć krynicy AP u palicyi, jon moh pakončyć z saboj.

U domie, źviazanym z padazravanym, była znojdzienaja zapiska, u jakoj było napisana pra samahubstva. Jana była adrasavana synu Karda. U domie taksama byŭ znojdzieny mabilny telefon padazravanaha.

Na pres-kanfierencyi ŭ meryi Ljuistana hubiernatar štata Men Džaniet Miłs paviedamiła, što cieła zahinułaha było znojdziena ŭ Lisbonie, niedaloka ad miesca stralby.

«Siońnia ja ŭzdychnuła z palohkaj, viedajučy, što Robiert Kard nie budzie źjaŭlać ni dla kaho pahrozy», — skazała jana.

Načalnik palicyi Ljuistana Devid Sent-Pjer dadaŭ, što praca pravaachoŭnych orhanaŭ na hetym nie skončana.

U palicyi kažuć, što mnohija padrabiaznaści nie vydajucca, bo ŭłady chočuć spačatku parazmaŭlać ź siemjami achviar.

Čytajcie taksama:

Masavaja stralba ŭ štacie Men: nie mienš za 16 zahinułych, 50 paranienych. Złačyncu pakul nie złavili

Strałok, jaki zabiŭ 18 čałaviek u štacie Men, byŭ instruktaram pa ahniastrelnaj zbroi i «čuŭ hałasy»

Nashaniva.com