Abłava ŭ Kareličach: AMAP zatrymlivaŭ ludziej u paliklinicy, Domie kultury i rajvykankamie
U Karelickaj rajonnaj paliklinicy było zatrymana niekalki daktaroŭ, u tym liku stamatołah.
27.10.2023 / 17:08
Karelickaja rajonnaja balnica. Fota: sajt rajvykankama
Pavodle infarmacyi Mayday team, 27 kastryčnika ŭ Kareličach supracoŭniki AMAP zatrymali niekalki čałaviek.
Tak, viadoma, što ranicaj u Karelickaj rajonnaj paliklinicy było zatrymana niekalki daktaroŭ, u tym liku stamatołah. Ź piersanałam pravodzili «prafiłaktyčnyja hutarki» ab niedapuščalnaści «padpisak na ekstremisckija resursy».
Akramia taho, dvoje čałaviek było zatrymana ŭ Karelickim rajvykankamie, taksama byli zatrymanyja niekatoryja supracoŭniki Karelickaha rajonnaha Centra kultury i narodnaj tvorčaści.
Imavierna, usich zatrymanych abvinavačvajuć u «raspaŭsiudzie ekstremisckich materyjałaŭ».
Raniej zatrymańni ŭ Hrodzienskaj vobłaści prajšli ŭ Lidzie i Vaŭkavysku.
Čytajcie taksama:
U Lidzie zatrymali šeść čałaviek
U Vaŭkavysku zatrymali dvuch čałaviek
Na «Palimiry» ŭ Navapołacku adbylisia zatrymańni paśla razmovy ź internet-pravakataram