U akupavanym Biardziansku źniščyli čatyroch supracoŭnikaŭ FSB — ukrainskaja raźviedka
23 kastryčnika ŭ akupavanym Biardziansku Zaparožskaj vobłaści šlacham padryvu byŭ źniščany aŭtamabil, u jakim znachodziłasia čaćviora pradstaŭnikoŭ FSB, paviedamlaje Hałoŭnaje ŭpraŭleńnie raźviedki.
26.10.2023 / 11:05
Akcyju pomsty pradstaŭniki ŭkrainskaha ruchu supracivu ździejśnili na vulicy Mičuryna pablizu hatela Jasmin Guest-House, jaki feesbešniki pieratvaryli ŭ svoj štab.
Siarod zabitych — rasijski vajskoviec, jaki katavaŭ miascovych hramadzian.
Paśla padryvu miascovy kałabarant rasparadziŭsia pavialičyć kamiendanckuju hadzinu, a pradstaŭniki rasijskich śpiecsłužbaŭ nieadkładna pakinuli hatel.