Tramp nazvaŭ Orbana kiraŭnikom Turcyi i dadaŭ, što Turcyja miažuje z Rasijaj
45-y prezident ZŠA i patencyjny kandydat na vybarach 2024 hoda Donald Tramp pierabłytaŭ imiony svaich mižnarodnych kalehaŭ padčas pieradvybarnaj pramovy ŭ paniadziełak u Ńju-Hempšyry.
24.10.2023 / 08:05
Donald Tramp. Fota: Sue Ogrocki / AP
«Uvieś śviet vybuchaje. Vy viedajecie, dla mianie vialiki honar — jość taki čałaviek, Viktar Orban, chto-niebudź kali-niebudź čuŭ pra jaho?» — skazaŭ Tramp, majučy na ŭvazie ŭsio ž, vidać, premjer-ministra Vienhryi.
«Jon, napeŭna, adzin z najmacniejšych lidaraŭ u śviecie. Jon lidar Turcyi», — niečakana dadaŭ były prezident ZŠA.
Potym jon skazaŭ, što Orban maje «front» z Rasijaj. Adnak ni Turcyja, ni Vienhryja nie majuć miažy z Rasijaj.
Raniej eks-prezident ZŠA nazyvaŭ styl kiravańnia premjera Vienhryi «niealibieralnaj demakratyjaj» i prymaŭ jaho ŭ Biełym domie ŭ 2019 hodzie.
Čytajcie taksama:
Tramp pajechaŭ u pali i raśpisaŭsia na kambajnie