Minzdaroŭja Hazy zajaviła, što ŭ vyniku ŭdaru pa balnicy «Al-Achli» zahinuŭ 471 čałaviek. Izrail sumniavajecca
Ministerstva achovy zdaroŭja Hazy taksama zajaviła pra amal 3500 zabitych z pačatku vajennaha kanfliktu. Pryčym u hetych źviestkach nie ŭličvajecca likvidacyja nie mienš za 1500 terarystaŭ na terytoryi Izraila, piša Newsru.co.il.
18.10.2023 / 15:40
Fota: pres-słužba CACHAŁ
Minzdaroŭja Hazy adznačaje, što siarod zabitych i paranienych mnostva žančyn i dziaciej.
Ministerstva zajaviła pra 471 zabitaha i 314 paranienych u vyniku ŭdaru pa balnicy «Al-Achli». 28 čałaviek u krytyčnym stanie.
Newsru.co.il adznačaje, što źviestki ab achviarach udaru kala balnicy «Al-Achli» vyhladajuć absalutna niepraŭdapadobna na fonie kadraŭ ź miesca zdareńnia, na jakich vidać da 20 aŭtamabilaŭ na parkoŭcy, jakim była naniesiena škoda, ale nie vidać nijakich razburanych budynkaŭ i balničnych pamiaškańniaŭ.
Ułady Izraila śćviardžajuć, što kala balnicy «Al-Achli» vybuchnuła rakieta, «niaŭdała» vypuščanaja ź siektara Haza, a CACHAŁ da hetaj trahiedyi dačynieńnia nie maje.
Čytajcie taksama:
U balnicu ŭ Hazie patrapiła rakieta, zahinuli sotni ludziej. Baki vinavaciać adzin adnaho