Bajden paabiacaŭ Izrailu padtrymku «siońnia, zaŭtra i zaŭsiody»
ZŠA buduć akazvać Izrailu padtrymku ŭ jaho imknieńni da miru i svabody «siońnia, zaŭtra i zaŭsiody». Pra heta prezident Džo Bajden zajaviŭ na sustrečy z premjer-ministram Izraila Bińjaminam Nietańjachu, piša RBK.
18.10.2023 / 15:14
Džo Bajden i Bińjamin Nietańjachu ŭ Tel-Avivie, 18 kastryčnika 2023 hoda. Fota: Evan Vucci / AP
«75 hadoŭ tamu vašy zasnavalniki abviaścili, što heta dziaržava [Izrail] budzie bazavacca na svabodzie, spraviadlivaści i miry. ZŠA padtrymlivajuć vas u abaronie hetaj svabody, imknieńni da hetaj spraviadlivaści i ŭ padtrymcy hetaha śvietu siońnia, zaŭtra i zaŭsiody», — skazaŭ Bajden.
Prezident Bajden prybyŭ u Tel-Aviŭ 18 kastryčnika na fonie vajny Izraila z paleścinskaj hrupoŭkaj CHAMAS, jakaja kantraluje siektar Haza.
Pieršapačatkova płanavałasia, što paśla Izraila Bajden adpravicca ŭ Iardaniju na sustreču z karalom Iardanii Abdałoj II, prezidentam Paleściny Machmudam Abasam i prezidentam Jehipta Abdelem Fatacham as-Sisi. Ale paśla ataki na balnicu ŭ siektary Haza 17 kastryčnika Iardanija admianiła čatyrochbakovy samit z udziełam prezidenta ZŠA, jaki pavinien byŭ adbycca 18 kastryčnika.
Čytajcie taksama:
Paśla vybuchu ŭ balnicy ŭ Hazie Iardanija admianiła čatyrochbakovy samit z udziełam Džo Bajdena
U balnicu ŭ Hazie patrapiła rakieta, zahinuli sotni ludziej. Baki vinavaciać adzin adnaho