Jašče adnaho «čałavieka hoda Viciebščyny» sudzili za «ekstremizm»
16 kastryčnika ŭ sudzie Lepielskaha rajona razhladali spravu ŭ dačynieńni da Illi Jurjeviča Šendalesava. U raskładzie suda było ŭkazana, što jaho sudziać pa artykule ab raspaŭsiudžvańni «ekstremisckaj» infarmacyi, paviedamlaje telehram-kanał «Vitiebsk, ja hulaju».
16.10.2023 / 23:35
Illa Šendalesaŭ. Fota: vitebsk_info / Telegram
Vynik suda nieviadomy.
Šendalesaŭ atrymaŭ zvańnie «Čałaviek hoda Viciebščyny» u 2018 hodzie, kali byŭ hałoŭnym doktaram Lepielskaj CRB. Na sajcie miedcentra «Łode» ŭ Minsku paznačana, što jon pracuje tam z 2023 hoda, dadaje reform.by.
Na minułym tydni stała viadoma pra imaviernaje zatrymańnie zahadčyka adździaleńnia Viciebskaj abłasnoj balnicy Alaksandra Hančarova. Alaksandr Valerjevič taksama byŭ uhanaravany zvańniem «Čałaviek hoda Viciebščyny», a ŭ 2020-m hodzie atrymaŭ padziaku ad Łukašenki za ŭniosak u baraćbie z COVID-19.