«Мой маскоўскі свет разбураны». Багаслоў Андрэй Кураеў зʼехаў з Расіі
Былы протадыякан напісаў у тэлеграм-канале, што пасля паўтара года роздумаў і ваганняў вырашыўся на адʼезд у Чэхію.
16.10.2023 / 20:49
«Вырашыў не прыпадабняцца герою анекдота, які загінуў пасля трохразовай адмовы сесці на выратавальны верталёт», — патлумачыў Кураеў.
«Мой маскоўскі свет разбураны. Да некаторай ступені боль адзінокай старасці можа быць змякчаная атмасферай шчаслівага пражскага дзяцінства і разуменнем таго, што тут мае бацькі правялі самыя шчаслівыя гады свайго жыцця», — піша Кураеў.
Ён дадае, што спадзяецца чытаць на Захадзе лекцыі — «у Расіі з гэтым усё больш складана».
«Так што гэта працоўная міграцыя. Спадзяюся, што сезонная», — дадае Андрэй Кураеў.
У жніўні 2022 года былога протадыякана аштрафавалі на 30 тысяч расійскіх рублёў за «дыскрэдытацыю» арміі з-за паста ў ЖЖ.
У красавіку 2023 года патрыярх Кірыл пазбавіў Кураева сана.
Чытайце таксама:
Андрэй Кураеў: Лукашэнка шантажуе Маскву аўтакефаліяй
Андрэй Кураеў: Царкоўна-прававая база для беларускай аўтакефаліі ўжо падрыхтаваная
Андрэй Кураеў: Беларускую царкву мы ўжо страцілі
Андрэй Кураеў: З пункту гледжання Канстанцінопаля Мінск — чужая для Масквы тэрыторыя