Jaŭhien Bułka ź siamjoj pierabraŭsia ź Izraila ŭ Hruziju
«Bo tak biaśpiečniej», — napisaŭ viadoŭca i šoŭmien u svaim instahramie.
14.10.2023 / 11:12
Fota Hruzii ź instahrama Jaŭhiena Bułki
Biełaruski viadoŭca i šoŭmien Jaŭhien Bułka z žonkaj Majaj i dvuchhadovym synam Lavonam vyjechali ź Izraila ŭ Hruziju.
«My vyjechali i ciapier u Hruzii. Čamu? Tamu, što tak vyrašyli. Tamu, što zmahli. Bo biaśpiečniej. Bo pracy niama. Bo jość kamu abaraniać. Bo nivodnaha paproku ad izrailcian. Tolki: «Pravilna robicie, dla dziaciej lepš, viadoma, viernieciesia. My vas čakajem! Bieražycie siabie! Armija viedaje, što robić». I heta ŭ aeraporcie ad supracoŭnikaŭ i karennych izrailcian. Siońnia CHAMAS abviaściŭ dzień suśvietnaha džychadu», — napisaŭ jon u svaim instahramie ŭčora.
Jaŭhien Bułka ź siamjoj hod tamu vyjechaŭ u Izrail. U piatnicu, 6 kastryčnika, jon z žonkaj palacieŭ u Varšavu na zdymki. A syn zastaŭsia ź nianiaj Julijaj.
Ranicaj nastupnaha dnia pačaŭsia napad CHAMAS na paŭdniovyja rajony Izraila. Jaŭhien i Maja nie zmahli adrazu vylecieć u Izrail, i dabralisia dachaty tolki ŭ aŭtorak praź Bierlin.
Čytajcie taksama:
Jaŭhien Bułka z žonkaj zmahli viarnucca dadomu ŭ Izrail da svajho dvuchhadovaha syna
Šoŭmien Jaŭhien Bułka čakaje rejsa ŭ Izrail — tam zastaŭsia syn