Zbornaja Biełarusi vystajała suprać Rumynii
Nastupny matč — suprać Šviejcaryi ŭ niadzielu.
12.10.2023 / 23:39
Fota z sajta: football.by
Zbornaja Biełarusi zhulała ŭničyju z kamandaj Rumynii ŭ matčy adboru da čempijanatu Jeŭropy pa futbole. Hulnia zaviaršyłasia nulavoj ničyjoj.
Matč prajšoŭ u Budapiešcie pry pustych trybunach stadyjona, jaki ličycca dla Biełarusi chatnim.
U kancy matča biełarusy nie tolki vystajali, ale i mieli niekalki niebłahich momantaŭ.
Kosava siońnia ŭ haściach razhramiła Andoru — 3:0.
Matč Izrail — Šviejcaryja pieraniesieny na listapad z-za składanaj palityčnaj situacyi. Jak i pieraniesieny matč Kosava — Izrail, jaki mieŭsia prajści 15 kastryčnika ŭ Pryšcinie. Zbornaj Izraila zabaroniena pakidać krainu.
Paśla 7 turaŭ: Šviejcaryja — 14 (6 matčaŭ), Rumynija — 13, Izrail — 11 (6 hulniaŭ), Kosava — 7, Biełaruś — 5, Andora — 2.
U niadzielu biełarusy zhulajuć u haściach suprać Šviejcaryi (19:00). U pieršym tury, na Dzień voli, biełarusy ŭ Vajvodzinie razhromna prajhrali 0:5.
U siaredzinie listapada ŭ biełarusaŭ zastanucca matčy suprać Andory i Kosava.
Na Jeŭra-2024 vychodziać dźvie najlepšyja kamandy z hrupy.
Biełarusy, jak viadoma, nikoli ŭ finalnych stadyjach čempijanataŭ śvietu ci Jeŭropy nie ŭdzielničali.
Čytajcie taksama:
Čempijanat Jeŭropy pa futbole — 2032 projdzie ŭ Italii i Turcyi
Eden Azar skončyŭ karjeru ŭ 32 hady
Uejn Runi ŭznačaliŭ kłub, za jaki kaliści hulaŭ Alaksandr Hleb