«Załaty hrabieńčyk» znoŭ sprabujuć pradać. Hetym razam cana ŭpała na 30%
Adno z najstarejšych staličnych kafe «Załaty hrabieńčyk», jakoje naležyć kampanii «Trajpł», treci raz vystaviać na tarhi. Jany projduć na placoŭcy ZAT «Biełrealizacyja» 26 kastryčnika. Dva papiarednija aŭkcyjony nie adbylisia z-za adsutnaści pakupnikoŭ, piša Office Life.
12.10.2023 / 15:34
Fota: Beltorgi.by
Apošniaja prapanova takaja: startavy košt — krychu bolš za 6,4 młn rubloŭ, minimalny — kala 5,8 młn.u valucie heta prykładna $1,68 młn. U paraŭnańni ź pieršym aŭkcyjonam cana ŭpała na 30%.
Kafe «Załaty hrabieńčyk» raźmieščana ŭ Minsku ŭ dobraj piešachodnaj łakacyi pa adrasie vuł. Lenina, 3. Jano pradajecca ŭ suviazi z bankructvam ŭłaśnika TAA «Trajpł». Praŭda, u łocie zhadvajucca dźvie damovy arendy.
Apošnim časam majomaść kampanii, jakaja naležała Juryju Čyžu, aktyŭna raspradajecca. Raniej na tarhi vystaŭlalisia dźvie AZS «Trajpł» na trasie M-1. A na 1 listapada zapłanavany aŭkcyjon pa prodažy harnałyžnaha kompleksu «Łahojsk».