«Ciažka pavieryć, što navat CHAMAS moh ździejśnić taki varvarski akt». CACHAŁ paćvierdziŭ, što bajeviki zabivali i abiezhałoŭlivali dziaciej
Sa słoŭ aficyjnaha pradstaŭnika Armii abarony Izraila (CACHAŁ) Džonatana Kanrykusa, adpaviednuju infarmacyju pra abstaviny hibieli dziaciej padaŭ koranier, jaki naviedaŭ kibuc Bieery, dzie zahinuli dziasiatki mirnych žycharoŭ, piša «Mieduza».
12.10.2023 / 10:55
Izrailskija sałdaty stajać pobač ź ciełami izrailcian, zabitych bajevikami CHAMAS u kibucy Kfar-Aza ŭ aŭtorak, 10 kastryčnika 2023 hoda. Fota: Ohad Zwigenberg / AP
«Ja pryznaju, što nam spatrebiŭsia niekatory čas, kab pa-sapraŭdnamu ŭśviadomić i paćvierdzić hetaje paviedamleńnie, i było ciažka pavieryć, što navat CHAMAS moh ździejśnić taki varvarski akt, — skazaŭ jon. — Ja dumaju, ciapier my možam z adnosnaj upeŭnienaściu skazać, što heta toje, što zrabiŭ CHAMAS… Paŭsiul byli raskidanyja źniaviečanyja cieły».
Raniej izrailskija ŚMI paviedamlali, što ŭ kibucach, na jakija napali bajeviki CHAMAS, byli znojdzienyja cieły zabitych žančyn i dziaciej, niekatoryja ź ich byli abiezhałoŭlenyja.
Aficyjna izrailskija ŭłady paćviardžali infarmacyju ab zahinułych žycharach pasieliščaŭ, ale kolkaść achviar nie nazyvali i abstaviny hibieli nie kamientavali.
Čytajcie taksama:
CACHAŁ: Bajeviki CHAMAS, chutčej za ŭsio, utrymlivajuć zakładnikaŭ pad ziamloj
U Izraili ŭ bai z CHAMAS zahinuła 25-hadovaja ŭradženka Biełarusi. Jana pracavała ŭ palicyi
U Izraili ŭ vyniku ataki CHAMAS zahinuŭ jašče adzin uradženiec Biełarusi