U Breście asudzili majstra ciepłavych sietak, jaki nibyta abraziŭ i Łukašenku, i Hałoŭčanku
U sudzie Maskoŭskaha rajona Bresta zaviaršyŭsia sudovy praces nad 45-hadovym Alaksandram Doŭhalem. Mužčynu abvinavacili ŭ abrazie pradstaŭnika ŭłady (art. 369 KK) i abrazie Łukašenki (č. 1 art. 368 KK), paviedamlaje «Viasna».
12.10.2023 / 09:49
Sudovaje pasiadžeńnie viała sudździa Maryna Skałkovič.
Pavodle viersii abvinavačvańnia, Doŭhal napisaŭ kamientar pra premjer-ministra Hałoŭčanku. U im havaryłasia pra toje, što Hałoŭčanka z rasijskim premjeram Mišuścinym «abmiarkoŭvali intehracyjnyja dakumienty». Jašče adno paviedamleńnie było napisana ŭ telehram-čacie «Łuchtavikinhi». Tam abvinavačvańnie ŭbačyła abrazu Łukašenki.
Sumarna pa dvuch artykułach prakuror prapanavaŭ prysudzić Doŭhalu paŭtara hoda pazbaŭleńnia voli ŭ kałonii va ŭmovach ahulnaha režymu. Prysud pravaabaroncam pakul nieviadomy.
Čytajcie taksama:
Dačku hłybockaha žurnalista Źmitra Łupača Śviatłanu pačnuć sudzić 16 kastryčnika
Asudžanaha na 20 hadoŭ palitviaźnia Uładzimira Hundara pieraviali na turemny režym