CACHAŁ: Bajeviki CHAMAS, chutčej za ŭsio, utrymlivajuć zakładnikaŭ pad ziamloj
Pradstaŭnik Armii abarony Izraila nazvaŭ situacyju z zakładnikami vielmi składanaj.
12.10.2023 / 09:00
Evakuacyja paranienaj žančyny. Fota: Oren Ziv / AP
Izrailskija ŭłady ličać, što zachoplenyja CHAMAS zakładniki znachodziacca pad ziamloj. Pra heta ŭ razmovie z CNN zajaviŭ pradstaŭnik armii abarony Izraila (CACHAŁ) Džonatan Konrykus.
«Rozum padkazvaje, što jany znachodziacca pad ziamloj. Rozum taksama padkazvaje, što CHAMAS, kali ŭžo jany chacieli pravieści hetuju ataku i ŭziać hetych ludziej u zakładniki, pavinien byŭ zahadzia spłanavać miescy, dzie možna schavać ich i abaranić ad izrailskaj raźviedki i sprobaŭ ich vyzvalić», — skazaŭ Konrykus.
Konrykus nazvaŭ situacyju z zakładnikami «nadzvyčaj adčuvalnaj i składanaj temaj».
Pavodle jaho słoŭ, Izrail nikoli nie sutykaŭsia z takoj pa svaim maštabie situacyjaj.
Na pytańnie, ci źjaŭlajecca niepaźbiežnaj naziemnaja apieracyja Izraila, jon adkazvać admoviŭsia.
Čytajcie taksama:
Premjer Izraila: Kožny čalec CHAMAS — heta miarćviak
U Izraili ŭ bai z CHAMAS zahinuła 25-hadovaja ŭradženka Biełarusi. Jana pracavała ŭ palicyi
U Izraili ŭ vyniku ataki CHAMAS zahinuŭ jašče adzin uradženiec Biełarusi