U Izraili ŭ bai z CHAMAS zahinuła 25-hadovaja ŭradženka Biełarusi. Jana pracavała ŭ palicyi
Uradženka Biełarusi, 25-hadovaja Alena Astapienka zahinuła 7 kastryčnika. Jana pracavała ŭ palicyi i padčas napadu CHAMAS patrulavała vulicy, piša kanał «Ostorožno, novosti».
11.10.2023 / 19:28
Alena Astapienka pierajechała ŭ Izrail z mamaj i starejšaj siastroj u 2000 hodzie. Siamja emihravała z Rečycy, Alenie tady było dva hady.
«Jana była vielmi dobraj dziaŭčynkaj, ja jaje pamiataju, kali była maleńkaj», — raspavioŭ vydańniu siabar siamji.
U Izraili Alena skončyła škołu, paśla adsłužyła terminovuju słužbu ŭ vojsku, u apošni čas žyła na poŭdni krainy i pracavała ŭ palicyi.
Siabry siamji adznačajuć, što sama Alena nie raspaŭsiudžvałasia pra svaju dziejnaść: niekatoryja ź ich tolki z navin daviedalisia, što jana słužyła ŭ palicyi.
Ranicaj 7 kastryčnika padčas napadu bajevikoŭ CHAMAS na paŭdniovyja pasieliščy Izraila Alena patrulavała ŭčastak u horadzie Afakim. Razam ź inšymi palicejskimi i bajcami CACHAŁ adbivała napady bajevikoŭ.
Jak raspaviała kanału «Ostorožno, novosti» mama Aleny, dziaŭčynu pachavali ŭčora nočču.