Dačku hłybockaha žurnalista Źmitra Łupača Śviatłanu pačnuć sudzić 16 kastryčnika
Jaje zatrymali hłybockija milicyjanty ŭ pačatku maja. U toj dzień jana adpačyvała na Hłyboččynie razam ź siabrami, milicyjanty pryjechali ŭ samy razhar adpačynku i spačatku zatrymali ŭsich, ale paśla vypuścili i pakinuli ŭ milicyi adnu Śviatłanu.
11.10.2023 / 15:39
Hłybocki sud 3 maja pakaraŭ jaje spačatku 10 sutkami pa č. 2 art. 19.11 KaAP (raspaŭsiud ekstremisckich materyjałaŭ). Paśla hetaha nad joj byŭ jašče adzin sud, padčas jakoha dziaŭčynie pryznačyli jašče 25 bazavych štrafu, piša «Viasna».
Paźniej Śviatłanu pieraviali ŭ viciebski SIZA u miežach kryminalnaj spravy. Ciapier jaje abvinavačvajuć pa «narodnym» art. 342 KK (aktyŭny ŭdzieł u dziejańniach, jakija hruba parušajuć hramadski paradak).
Sud nad Śviatłanaj raspačniecca 16 kastryčnika ŭ Pieršamajskim sudzie Viciebska. Spravu budzie razhladać sudździa Michaił Jurčanka.
Padtrymajcie Śviatłanu hrašovymi pieravodami, pasyłkami i telehramami: SIZA-2. 210026, h. Viciebsk, vuł. Haharyna, 2
Čytajcie taksama: