Pad Minskam pabudujuć niezvyčajny piacipaviarchovik. Žycharam abiacajuć učastki dla mini-sadu i ułasnyja spa-terasy na dachu
U Zialonaj havani ŭźviaduć niezvyčajny cicichaus. Žychary pieršaha paviercha atrymajuć piersanalnyja ŭčastki dla mini-sadu, a žychary mansardnych kvater — ułasnyja sky-terasy prosta na dachu. Zabudoŭščyk «A-100 deviełapmient» užo zapuściŭ prodaž. Kvadrat startuje ad 1319 dalaraŭ, piša Realt.by.
10.10.2023 / 14:15
Sicichaus pad numaram 4.6 uźviaduć u kvartale «Miełodyi lesu». Z adnaho boku, jon vyjdzie voknami na zakryty zialony dvor, a z druhoha — na zakaźnik «Ścikleva».
Dom budzie nievialiki — 3 padjezdy i 4-5 pavierchaŭ. Jaho pabudujuć z žalezabietonnych panielaŭ, jakija vyrabić zavod «SBK». Fasad zrobiać raznastajnym: strymanyja pastelnyja adcieńni buduć spałučacca z falcavym mietałam i dekaratyŭnymi elemientami, jakija nahadvajuć žaluzi.
U domie buduć kvatery jeŭrafarmatu z harderobnymi i kładoŭki. Vybar płoščaŭ — ad «adnapakajovak» na 37 kvadratnych mietraŭ da 103-mietrovych kvater z 5 pakojami. Stoli ŭ standartnych kvaterach buduć dasiahać 2,88 mietra. Mansardnyja kvatery buduć jašče vyšejšyja — da 5,5 mietra. Pry žadańni ich navat možna zrabić dvuchpaviarchovymi.
Ź cikavaha — na pieršym paviersie zamiest standartnych teras žycharam vydzielać asabistyja ŭčastki na 23 «kvadraty», dzie možna ŭładkavać zonu barbiekiu ci mini-sad. Dla bolšaha adasableńnia ich prypadnimuć na paŭmietra nad uzroŭniem dvara i abniasuć mietaličnaj aharodžaj.
Akramia taho, na dachu źjaviacca sky-terasy płoščaj ad 30 da 90 kvadratnych mietraŭ, kab pazaharać, sustreć śvitanak abo zirnuć u teleskop na zornaje nieba. Da teras prykładajucca śviacilni, razietki i letnija pamiaškańni dla invientaru.
Prodaž užo startavaŭ. «Kvadrat» pakul ličać ad 1319 dalaraŭ. Samaja niedarahaja kvatera ciapier abydziecca ŭ 56,9 tysiačy dalaraŭ. Pakupnikam dastupnyja rasterminoŭka ad zabudoŭščyka i kredyt pa źnižanaj staŭcy.
Dvor budzie zakryty dla aŭtamabilaŭ. U im uładkujuć dziciačuju placoŭku, zony adpačynku i barbiekiu z naviesam. Terytoryju zasadziać darosłymi drevami, kustami. Praduhledžany i kryty viełaboks.
«Novy sicichaus budzie nieardynarnym. Tak, prosta z bałkona možna budzie atrymlivać asałodu ad vidu na zakaźnik, na sky-terasie — lubavacca zornym niebam, a na pryvatnym učastku — stvaryć mini-sad i raściahnuć hamak», — adznačajuć u «A-100 Deviełapmient».
Novabudoŭlu płanujuć zdać u pieršym kvartale 2025 hoda.
Čytajcie taksama:
Pad Minskam pradajuć katedž: mebla Versace i italjanskija žyrandoli. Što pa canie?