Mocny viecier adklučyŭ elektryčnaść u 842 nasielenych punktach
U Biełarusi zachoŭvajucca składanyja ŭmovy nadvorja, abumoŭlenyja dziejańniem štarmavoha cykłona. 8 kastryčnika paryvy vietru ŭ šerahu rehijonaŭ krainy dasiahali 25-30 m/s.
09.10.2023 / 08:46
Bolš za ŭsio ad nastupstvaŭ niepahadzi paciarpieli Babrujski, Puchavicki, Baranavicki, Homielski, Minski rajony. Padzieńnie dreŭ i halinak na linii elektrapieradačy stała asnoŭnaj pryčynaj adklučeńniaŭ, paviedamlaje ŭ svaim telehram-kanale Minenierha.
Fota: Minenierha
U adnaŭlenčych rabotach było zadziejničana 231 avaryjnaja bryhada i 242 adzinak techniki.
Fota: Minenierha
Pa stanie na 7.00 paniadziełka, pieraboi ŭ elektrazabieśpiačeńni zafiksavanyja ŭ 11 nasielenych punktach.
Fota: Minenierha
Fota: Minenierha
Siońnia ŭdzień pa ŭschodzie Biełarusi zachavajecca mocny paŭnočna-zachodni viecier paryvami 15-20 m / s.
Čytajcie taksama:
Praz mocny viecier budaŭničy płot pieraharadziŭ praśpiekt u Minsku