Hety słavuty i samabytny futbolny kłub moža spynić isnavańnie — miedyja
28 vieraśnia katałonskaj «Barsiełonie» było vystaŭlena aficyjnaje abvinavačańnie ŭ dačy chabaru pa spravie byłoha vice-prezidenta techničnaha kamiteta sudździaŭ Karaleŭskaj ispanskaj futbolnaj fiederacyi Chase Niehrejra.
29.09.2023 / 08:40
Sprava moža dajści i da źniknieńnia «Barsiełony» z futbolnaj karty śvietu, paviedamlaje The Telegraph.
«U vypadku pryznańnia viny złačyncy atrymajuć ad troch da šaści hadoŭ turmy. Sama «Barsiełona» moža być adchilenaja ad dziejnaści ŭ jakaści prafiesijnaha futbolnaha kłuba, što, chutčej za ŭsio, pryviadzie da bankructva 124-hadovaha kłuba», — havorycca ŭ materyjale.
Razam z tym katałonski kłub jašče nie atrymlivaŭ aficyjnych apaviaščeńniaŭ ab pačatym u dačynieńni da jaho sudovym rasśledavańni i nie rabiŭ publičnych zajaŭ.
«Barsiełona» była zasnavanaja ŭ 1899 hodzie. Heta adzin ź simvałaŭ Katałonii.
Kłub byŭ 27 razoŭ čempijonam Ispanii (bolš tytułaŭ tolki ŭ «Reała» — 35), piać razoŭ vyjhravaŭ Lihu čempijonaŭ, čatyry razy Kubak UEFA, maje šmat inšych trafiejaŭ.
Čytajcie taksama:
Miesi nie ŭklučyli ŭ zajaŭku na matč — i kamanda prajhrała finał Kubka ZŠA
Čatyry futbolnyja zbornyja admovilisia hulać z rasijskimi moładzievymi kamandami