Aršanskuju piensijanierku ź invalidnaściu asudzili da kałonii za kamientar u «Adnakłaśnikach»
Adzin hod i try miesiacy pazbaŭleńnia voli prysudzili aršanskaj piensijaniercy, jakaja maje invalidnaść, za adno «niapravilnaje» słova ŭ «Adnakłaśnikach». Prysud 63-hadovaj Volzie Stabroŭskaj 27 vieraśnia vyniesła sudździa suda Aršanskaha rajona Julija Viaršynina, piša «Viasna».
27.09.2023 / 17:03
Volha Stabroŭskaja. Fota z sacyjalnych sietak
Žančynu abvinavacili ŭ abrazie Alaksandra Łukašenki pavodle č. 1 art. 368 Kryminalnaha kodeksa.
Volha Stabroŭskaja ŭ svoj čas atrymała dypłom Maskoŭskaha dziaržaŭnaha ŭnivierstiteta druku i da sychodu na piensiju pracavała ŭ aršanskaj drukarni. U apošni čas u žančyny abvastrylisia chvaroby, jana maje invalidnaść treciaj hrupy. Chvareje taksama i jaje adzinaja dačka. Jana, jak i ŭnuk Volhi, maje invalidnaść pa słychu.
Zhodna z materyjałami abvinavačańnia, Volha Stabroŭskaja ŭ 2021 hodzie ŭ sacyjalnaj sietcy «Adnakłaśniki» pastaviła padabajku i pakinuła karotki kamientar, u jakim ekśpiertyza «znajšła» abrazu na adras Alaksandra Łukašenki.
Sud pryznaŭ Stabroŭskuju vinavataj i pryznačyŭ joj pazbaŭleńnie voli ŭ kałonii va ŭmovach ahulnaha režymu terminam na adzin hod i try miesiacy.
Čytajcie taksama:
Siłaviki zładzili abłavu ŭ Kareličach — pravaabaroncy
Zatrymali homielskaha žurnalista Alaksieja Tołčyna
Čarhovaja chvala brutalnych zatrymańniaŭ u Vaŭkavysku i vakolicach