«Byłych palitviaźniaŭ nie byvaje». Zbor u padtrymku ŭciekača ź Biełarusi i jahonaj siamji
Hety zbor nieabchodny dla siamji Dzianisa, jaki byŭ vymušany ŭciakać ź Biełarusi ad pieraśledu, pakinuŭšy bolšuju častku majomaści i hrošaj pad aryštam, piša Bajsoł.
26.09.2023 / 11:01
«Mianie zavuć Dzianis, i ja były palitviazień. Chacia, jak pakazvaje praktyka, byłych palitviaźniaŭ nie byvaje», — zaznačaje ŭciakač ź Biełarusi.
Dzianis apaviadaje, što, pačynajučy ź leta 2020 hoda, jon z žonkaj Nastaj aktyŭna ŭdzielničali ŭ akcyjach za volnuju Biełaruś (mitynhi, łancuhi salidarnaści, maršy). a 29 listapada 2020 hoda jaho zatrymali na maršy rajonaŭ i asudzili pa administracyjnym artykule 23.34 (udzieł u niezakonnych masavych mierapryjemstvach) na 15 sutak.
«Ja dumaŭ, hetym usio i skončycca, adnak heta byŭ tolki pačatak. U červieni 2022 hoda da nas u kvateru ŭvarvaŭsia HUBAZiK z hrupaj SACHR i paśla praviadzieńnia pieratrusu nas z žonkaj aryštavali i advieźli na Akreścina. Kanfiskavali ŭsie hrošy, a na rachunki i majomaść nakłali aryšt. U izalatary nas trymali ŭ karcary pa 10-12 čałaviek.
Praz 7 dzion žoncy ŭdałosia vyjści pad vialiki zakład. Adnak nieabchodnaść apłačvać dvuch advakataŭ (majho i jejnaha), arenda kvatery, i ŭtrymańnie małaletniaj dački pryviali nas da składanaj finansavaj situacyi.
Mianie ž adpravili ŭ SIZA-1 na Vaładarskaha.
Tam ja pravioŭ praktyčna 9 miesiacaŭ u niečałaviečych umovach ažno da etapu ŭ VK-3 «Vićba».
Mianie asudzili pa art. 342č.1 KK RB (arhanizacyja i padrychtoŭka dziejańniaŭ, jakija hruba parušajuć hramadski paradak) na paŭtara hady. Majoj žoncy było vystaŭlena abvinavačańnie pa artykułach:
- 342č.1 KK RB (arhanizacyja i padrychtoŭka dziejańniaŭ, jakija hruba parušajuć hramadski paradak);
- 130č.1 KK RB (raspalvańnie rasavaj, nacyjanalnaj, relihijnaj abo inšaj sacyjalnaj varožaści);
- 361č.3 KK RB (zakliki da mieraŭ abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś).
Žonka była ekstranna evakujavanaja ź Biełarusi kamandaj Bajsoł, za što chaciełasia b vykazać vialikuju padziaku.
Paśla vychadu na volu ja adrazu ž padvierhsia cisku z boku siłavych viedamstvaŭ. I ŭ najkaraciejšyja terminy taksama byŭ evakujavany da žonki i dački.
Ciapier ja sa svajoj siamjoj u biaśpiecy. Ja straciŭ svoj biznes i aktyŭna šukaju pracu, adnak finansava my nie stabilnyja. Bolšaja častka našaj majomaści i hrašovych srodkaŭ tak i zastałasia pad aryštam. Tamu prašu vas ab finansavaj dapamozie dla mianie i majoj siamji». — zaznačaje Dzianis.
Jakaja suma nieabchodnaja:
€3500
Apłata arendnaha žylla na 3 miesiacy — €2000
Utrymańnie i zabieśpiačeńnie dziciaci (hurtki i abiedy ŭ škole, adzieńnie, charčavańnie) — €700
Reabilitacyja i adaptacyja ŭ novaj krainie (miedycynskaje abśledavańnie, kursy polskaj movy, pošuk pracy) — €800.
Padtrymać praz Bajsoł