Baćku palitviaźnia Mikity Załatarova asudzili čaćviorty raz zapar
Michaił Łapunoŭ, baćka palitviaźnia Mikity Załatarova, užo 45 dzion pravioŭ za kratami. Jaho trojčy abvinavačvali pa častcy 1 artykuła 19.11 KaAP Biełarusi (raspaŭsiudžvańnie infarmacyjnaj pradukcyi, uklučanaj u respublikanski śpis ekstremisckich materyjałaŭ, a taksama vyrab, vydańnie, zachoŭvańnie abo pieravozka z metaj raspaŭsiudžvańnia takoj infarmacyi). Ciapier aryštavali i čaćviorty raz, piša «Homielskaja viasna».
25.09.2023 / 20:25
22 vieraśnia, napiaredadni vychadu paśla adbyćcia zapar treciaha administracyjnaha aryštu, u sudzie Centralnaha rajona sudździa Siarhiej Karmanovič razhledzieŭ jašče adnu administracyjnuju spravu, zaviedzienuju ŭ dačynieńni da Michaiła Łapunova.
Łapunoŭ znoŭ byŭ pryznany vinavatym u ździajśnieńni pravaparušeńnia i ŭžo čaćviorty raz adpraŭleny za kraty.
Padtrymać Michaiła možna, dasłaŭšy jamu paštoŭku na adras:
Łapunoŭ Michaił Ryhoravič, IČU, vuł. Mižharodniaja, 26, h. Homiel, 246144.
Syn Michaiła — Mikita — ci nie najmaładziejšy z zatrymanych u vyniku pratestaŭ 2020 hoda. Na toj momant 16-hadovaha Mikitu, chvoraha na epilepsiju, abvinavacili ažno pavodle troch artykułaŭ Kryminalnaha kodeksa i asudzili na 5 hadoŭ vychavaŭčaj kałonii.
Paźniej na chłopca zaviali jašče adnu kryminalnuju spravu — za toje, što jon nibyta napaŭ na supracoŭnika SIZA i pahražaŭ jaho rodnym.
Ahulny termin pakarańnia dla Mikity skłaŭ 4 hady i 6 miesiacaŭ vychavaŭčaj kałonii.
Čytajcie taksama:
Bieraściejca pakarali za abrazu ministra adukacyi
Stali viadomyja vyraki videaapierataru Viačasłavu Łazaravu i jaho žoncy Taćcianie Pyćko
42-hadovy haradzieniec pakinuŭ radzimu paśla zatrymańnia. I praz tydzień nie vytryvała serca