Supracoŭnica aeraporta na Filipinach skrała ŭ pasažyra hrošy i prahłynuła ich
Incydent zdaryŭsia ŭ aeraporcie Maniły. Pasažyr z Kitaja źviarnuŭ uvahu, što paśla prachodžańnia nadhladu jaho kašalok byŭ adkryty. Paźniej mužčyna zaŭvažyŭ, što ŭ jaho źnikła 300 dalaraŭ. Zapis z kamier videanazirańnia pakazaŭ, što hrošy skrała supracoŭnica aeraporta, jakaja nadhladała bahaž pasažyraŭ. Jana nieprykmietna vyciahnuła hrošy z kašalka.
21.09.2023 / 22:45
Kali mužčyna zaŭvažyŭ prapažu, žančyna adviarnułasia i zapchnuła składzienyja kupiury sabie ŭ rot. Złamyśnica ledź nie papiarchnułasia hrašyma, čym vyklikała zaniepakojenaść u kalehi, jakaja padała joj butelku z vadoj.
Žančyna zrabiła paru hłytkoŭ i prahłynuła skradzienyja hrošy. Admietna, što za dziŭnymi dziejańniami žančyny naziraŭ jaje načalnik, jon navat padychodziŭ i niešta joj kazaŭ.
Ciapier supracoŭnicu i jaje načalnika adchilili ad pracy. Kiraŭnictva aeraporta pravodzić pravierku. Ministr transpartu Filipinaŭ zaklikaŭ maksimalna stroha pakarać usich datyčnych da kradziažu.
Čytajcie taksama:
Chłopiec ź dziaŭčynaj znajšli sto dalaraŭ u pustym kafe. Suprać ich zaviali kryminalnuju spravu