«Suvienir z Amsterdama». Na «Avita» pradajecca kavałak źbitaha małajzijskaha «Boinha» MH-17
Na «Avita» pradajuć jak suvienir abłomak małajzijskaha «Boinha». Kupić frahmient samalota možna ŭsiaho za 10 tysiač rasijskich rubloŭ, ci kala 100 dalaraŭ. U abjavie jon nazvany «suvieniram z Amsterdama», źviarnuła ŭvahu SOTA.
21.09.2023 / 15:28
Jak patłumačyŭ u razmovie z vydańniem pradaviec, frahmient jon znajšoŭ u aharodzie svajoj babuli ŭ vioscy Hrabava, nad jakim i byŭ źbity samalot.
Akramia taho, mužčyna pracavaŭ u misii ABSIE, jakaja źbirała abłomki.
Ciapier heta abviestka niedastupnaja.
Małajzijski łajnier MH-17 u lipieni 2014 byŭ źbity nad Danbasam rasijskaj rakietaj z kompleksu «Buk». Zahinuli 298 čałaviek.
Za ataku na samalot u 2022 hodzie da pažyćciovaha źniavoleńnia asudžana troje čałaviek: Ihar Hirkin (Strałkoŭ), Siarhiej Dubinski i Leanid Charčanka. Usie jany asudžanyja Haahskim sudom zavočna.