Pry abstrele ŭ Karabachu zahinuŭ namieśnik kamandujučaha padvodnymi siłami Paŭnočnaha fłota RF. Jon byŭ u miratvorčym kantynhiencie
Namieśnik kamandujučaha padvodnymi siłami Paŭnočnaha fłotu pa vajskova-palityčnaj pracy kapitan 1-ha ranhu Ivan Koŭhan zahinuŭ u vyniku abstrełu ŭ Nahornym Karabachu 20 vieraśnia. Pra heta paviedamlajuć rasijskija miedyja.
21.09.2023 / 13:06
Ivan Koŭhan byŭ namieśnikam kamandujučaha rasijskim miratvorčym kantynhientam u Nahornym Karabachu.
Prezident Azierbajdžana Ilcham Alijeŭ prynios prabačeńni i vykazaŭ spačuvańni ŭ suviazi z hibiellu rasijskich miratvorcaŭ u Nahornym Karabachu, jak paviedamiła pres-słužba Kramla. Alijeŭ patelefanavaŭ z prabačeńniami Pucinu.
Pra hibiel rasijskich miratvorcaŭ u Karabachu napiaredadni paviedamiła Minabarony Rasii, nie ŭdakładniŭšy kolkaść zahinułych. Heta adbyłosia ŭžo paśla taho, jak Ściepanakiert abviaściŭ ab razzbrajeńni na azierbajdžanskich umovach.
«20 vieraśnia padčas viartańnia z naziralnaj pasady rasijskaha miratvorčaha kantynhientu ŭ rajonie nasielenaha punkta Džaniatah aŭtamabil z rasijskimi vajskoŭcami abstralali sa strałkovaj zbroi», — havaryłasia ŭ paviedamleńni.
Alijeŭ prynios Pucinu prabačeńni, a taksama vykazaŭ hatoŭnaść akazać materyjalnuju dapamohu siemjam zahinułych miratvorcaŭ, śćviardžaje Kreml. Prezident Azierbajdžana, pavodle paviedamleńnia, zajaviŭ, što budzie praviedziena «dbajnaje rasśledavańnie» taho, što adbyłosia.
Čytajcie taksama:
Što takoje Nahorny Karabach i što armianie z azierbajdžancami tam dzielać
Nahorny Karabach pryniaŭ rašeńnie ab kapitulacyi
U Jeŭłachu pačałasia sustreča pradstaŭnikoŭ Azierbajdžana i Nahornaha Karabacha