U Biełarusi z samalotaŭ skidvajuć vakcyny ad šalenstva dla dzikich žyvioł. Nie biarycie ich
Z 18 vieraśnia na terytoryi Hrodzienskaj, Minskaj, Bresckaj i Viciebskaj abłaściej z metaj prafiłaktyki šalenstva pravodzicca aralnaja imunizacyja dzikich žyvioł.
20.09.2023 / 14:20
Prynada z vakcynaju. Fota: belvitunifarm.by
Dziela hetaha ŭžyvajuć śpiecyjalnyja antyrabičnyja prynady — brykiety šeraha abo ciomna-karyčnievaha koleru masaj da 30 hramaŭ. Prynady majuć «śpiecyfičny pach». Usiaredzinie — kapsuła z vakcynaj.
Raskidvajuć ich z samalotaŭ ci viertalotaŭ.
Ministerstva achovy zdaroŭja nahadvaje, što prynady zabaroniena brać rukami i skormlivać ich svojskim žyviołam. Nie varta dapuskać, kab da ich dakranalisia dzieci.
Pry vypadkovym traplańni vakcyny (źmieściva kapsuły) na adkrytyja ŭčastki cieła ci ślizistyja abałonki ich nieabchodna pramyć vadoj, apracavać 2-pracentnym rastvoram pitnoj sody i źviarnucca ŭ miascovuju ŭstanovu achovy zdaroŭja.
Ludziam, jakija znachodziacca ŭ miescach praviadzieńnia hetych rabot, nieabchodna paźbiahać znachodžańnia ŭ zonie palotu samalota, kab paźbiehnuć traŭmavańnia prynadami, jakija buduć lacieć źvierchu.