Śviatłana Cichanoŭskaja sustrełasia ŭ Ńju-Jorku ź lidarami habrejskaj supolnaści
Udzieł u sustrečy ŭziali pradstaŭniki roznych arhanizacyj i rabiny, siarod inšaha viadomy rabin Ješajachu Josef Pinta. Cichanoŭskaja raspaviała im usim pra toje, što adbyvajecca ŭ Biełarusi, situacyju z palitviaźniami, prablemy na miažy.
19.09.2023 / 17:29
«Ja rada bačyć siońnia tut mnohich lidaraŭ habrejskaj supolnaści. Ja adčuvaju mocnuju suviaź pamiž nami. Na praciahu stahodździaŭ Biełaruś była rodnym domam dla habrejskaha naroda i pieršaj u śviecie krainaj, jakaja pryniała movu idyš u jakaści adnoj ź dziaržaŭnych.
Na praciahu minułaha stahodździa mnohija našy suajčyńniki-habrei pryjazdžali ŭ Izrail, kab budavać i abaraniać habrejskuju dziaržavu.
My ŭzhadvajem znakamitaha piśmieńnika na idyš Mojšu Kulbaka, jaki naradziŭsia ŭ Biełarusi, staŭ achviaraj stalinskich čystak u 1937 hodzie ŭ liku inšych represavanych biełarusaŭ», — adznačyła Cichanoŭskaja.
Čytajcie taksama:
Za kulisami Hienasamblei AAN: voś jak Łukašenka prajhraŭ Słavienii 38:153
Šymon Pieres: Treba maryć pra bolšaje — pramova, niby dla biełarusaŭ