Va Ukrainie atrymali ranieńni šeść bajcoŭ pałka Kalinoŭskaha
Na minułym tydni va Ukrainie byli paranienyja šeść bajcoŭ pałka Kalinoŭskaha: čaćviora bajcoŭ z bataljona «Vołat» i dvoje bajcoŭ z bataljona «Lićvin», paviedamiła pres-sakratarka Pałka.
18.09.2023 / 19:56
Fota ilustracyjnaje
«Na minułym tydni bataljon «Vołat» vykonvaŭ zadačy na Bachmuckim kirunku. Pracavali ŭsie padraździaleńni bataljona. U chodzie vykanańnia adnoj z zadač čaćviora bajcoŭ bataljona «Vołat» atrymali ranieńni.
Bataljon «Lićvin» praciahvaŭ bajavyja zadačy na ŭschodzie Ukrainy. Padčas apieracyi dva bajcy bataljona «Lićvin» atrymali ranieńni. Ciapier žyćciu paranienych abodvuch bataljonaŭ ničoha nie pahražaje», — raskazała Kryścina Stankievič «Čabor».
Pry hetym jana padkreśliła, što niezvarotnych strat u pałku niama.
Raniej paviedamlałasia, što połk Kalinoŭskaha braŭ udzieł u vyzvaleńni siała Klaščejeŭka pad Bachmutam.
Čytajcie taksama:
«Klučy ad Bachmuta». Čamu vyzvaleńnie Klaščejeŭki i Andrejeŭki tak važnyja dla ŭkrainskich vojskaŭ
Połk Kalinoŭskaha apublikavaŭ videa ŭvachodu svaich bajcoŭ u Klaščejeŭku
Rada BNR uznaharodziła 14 biełarusaŭ, što vajujuć va Ukrainie