Łukašenka naprasiŭsia na novy vizit u Zimbabve
Alaksandr Łukašenka pavinšavaŭ prezidenta Zimbabve Emiersana Mnanhahvu z dniom naradžeńnia. Siońnia hetamu kiraŭniku krainy na poŭdni Afryki spoŭniŭsia 81 hod.
15.09.2023 / 09:14
Fota: president.gov.by
Łukašenka padkreśliŭ, što ŭ asobie kalehi vydatna spałučajucca bahaty palityčny dośvied, umieńnie słuchać ziemlakoŭ, kłapacicca ŭ pieršuju čarhu pra ich dabrabyt, zabiaśpiečyć im prava na dastojnuju budučyniu, a taksama prymać važnyja rašeńni i nieści za ich adkaznaść.
Takija rysy charaktaru, pa słovach Alaksandra Łukašenki, vychoŭvajucca ź ciaham času, stajać mnohich sił, patrabujuć vializnaha ciarpieńnia. I mienavita jany siońnia spryjajuć raźvićciu krainy, jakoj prezident Zimbabve pryśviaciŭ žyćcio i karjeru.
Taksama Łukašenka adznačyŭ, što vysoka cenić siabroŭskija adnosiny, jakija ŭstalavalisia pamiž kiraŭnikami dźviuch dziaržaŭ.
«Čakaju novaj sustrečy, kab pradoŭžyć adkryty i kanstruktyŭny dyjałoh pa ŭsim śpiektry biełaruska-zimbabvijskaha ŭzajemadziejańnia. U nas šmat pracy pa realizacyi damoŭlenaściaŭ, dasiahnutych padčas majho vizitu ŭ Charare ŭ pačatku 2023 hoda», — źviarnuŭ uvahu jon.
Čytajcie taksama:
Na inaŭhuracyju prezidenta Zimbabve adpravili vice-premjera Parchomčyka
Aksilija Mnanhahva pryjazdžała ŭ Biełaruś z dvuma synami-bliźniukami
Pieršaja łedzi Zimbabve — Łukašenku: Vy nie tolki baćka, vy — maci
Aksilija Mnanhahva ŭ Minsku havaryła słovami Natalli Kačanavaj