Vyjšaŭ na volu palitviazień Alaksandr Hładkich
Alaksandr Hładkich byŭ asudžany da 2 hadoŭ «chimii» za abrazu supracoŭnika DAI pavodle art. 369 KK. Ciapier, pa infarmacyi «Homielskaj Viasny», Alaksandr całkam adbyŭ termin u PUAT-36 i vyjšaŭ na volu.
14.09.2023 / 22:30
Alaksandr Hładkich
Pavodle materyjałaŭ spravy, mužčyna pakinuŭ kamientar u sacyjalnaj sietcy «Adnakłaśniki» pad pastom aktyvistki Volhi Karač z našumiełym u svoj čas videa, na jakim bačna, jak supracoŭnik aŭtamabilnaj inśpiekcyi Hancavickaha RAUS Ihar Volnič staŭ nahoj na šyju ŭdzielniku mirnaha schodu hramadzian, nie zhodnych z palitykaj ułady. Na sudzie palitviazień patłumačyŭ, što byŭ aburany takim staŭleńniem milicyjanta da mirnaha pratestoŭca.
Akramia 2 hadoŭ «chimii», sud taksama abaviazaŭ Hładkich vypłacić Volniču 1500 rubloŭ kampiensacyi za jahonyja «maralnyja pakuty».
Čytajcie taksama:
Siarod zatrymanych u Navapołacku — inžynier-intelektuał
Žurnalist Andrej Alaksandraŭ u kałonii schudnieŭ na 40 kiłahramaŭ
Pjany 17-hadovy padletak zładziŭ na hruzaviku DTZ u Mahilovie