DTSAAF płanuje pačać navučać školnikaŭ kiravańniu aŭtamabilami
Płanujecca navučać vučniaŭ 9-11 kłasaŭ.
14.09.2023 / 13:30
Fota: Naša Niva
U sieradu adbyłosia padpisańnie pamiž Minadukacyi i DTSAAF pa vykarystańni patencyjału DTSAAF u vychavaŭčaj rabocie i praviadzieńni mierapryjemstvaŭ va ŭstanovach adukacyi, paviedamlaje pres-słužba ministerstva.
U pryvatnaści, zaraz prapracoŭvajecca pytańnie arhanizacyi navučańnia vučniaŭ 9 (10) — 11 (12) kłasaŭ kiravańniu aŭtamabilem.
Paviedamlajecca, što DTSAAF raźvivaje 22 techničnyja i avijacyjnyja vidy sportu i źjaŭlajecca adzinaj u Biełarusi strukturaj, jakaja adkazvaje za ich stan i raźvićcio.
Taksama padkreślivajecca, što Minadukacyi i DTSAAF padpisali darožnuju kartu pa vykarystańni mahčymaściaŭ DTSAAF u vychavaŭčaj rabocie i praviadzieńni mierapryjemstvaŭ va ŭstanovach adukacyi.