Pucin «z radaściu pryniaŭ zaprašeńnie darahoha tavaryša Kim Čen Yna» naviedać KNDR
Lidar KNDR Kim Čen Yn padčas sustrečy z prezidentam Rasii Uładzimiram Pucinym zaprasiŭ jaho naviedać Paŭnočnuju Kareju. Rasijski prezident pryniaŭ zaprašeńnie, paviedamlaje «Kommiersant» sa spasyłkaj na paŭnočnakarejskija ŚMI.
14.09.2023 / 08:09
Fota: pres-słužba prezidenta Rasii
«Paśla razmovy darahi tavaryš Kim Čen Yn sardečna zaprasiŭ prezidenta Pucina naviedać Karejskuju Narodna-Demakratyčnuju Respubliku ŭ zručny čas. Prezident Pucin z radaściu pryniaŭ zaprašeńnie», — havorycca ŭ paviedamleńni.
Kim Čen Yn prybyŭ u Rasiju 12 vieraśnia. Jaho sustreča z Uładzimiram Pucinym prajšła na kasmadromie Uschodni ranicaj 13 vieraśnia. Pieramovy ŭ pašyranym farmacie praciahnulisia kala hadziny. Potym prezident Rasii i lidar KNDR pierahavaryli tet-a-tet.
Pa słovach Uładzimira Pucina, u jaho ź lidaram KNDR adbyŭsia «adkryty abmien dumkami» pa situacyi ŭ dalokaŭschodnim rehijonie, taksama jany abmierkavali sielskuju haspadarku. Pres-sakratar prezidenta Dźmitryj Piaskoŭ adznačyŭ, što Kim Čen Yn vielmi cikaviŭsia mahčymaściami supracoŭnictva RF i KNDR u śfiery miedycyny i adukacyi.
Čytajcie taksama:
Kim Čen Yn padniaŭ tost za pieramohu Rasii i vykazaŭ padtrymku ahresaru ŭ «śviaščennaj baraćbie»
Stała viadoma, čym Pucin častuje Kim Čen Yna na ŭračystym abiedzie