Kim Čen Yn padniaŭ tost za pieramohu Rasii i vykazaŭ padtrymku ahresaru ŭ «śviaščennaj baraćbie»
Kiraŭnik KNDR Kim Čen Yn vykazaŭ upeŭnienaść u pieramozie Rasii nad «zboryščam zła», jakoje «maje iluzii ab hiehiemonii». Tak jon zajaviŭ, vystupajučy z tostam na aficyjnym abiedzie z prezidentam Rasii Uładzimiram Pucinym.
13.09.2023 / 13:00
Prezident Rasii Uładzimir Pucin i lidar Paŭnočnaj Karei Kim Čen Yn padčas sustrečy na kasmadromie Uschodni. Fota: Vladimir Smirnov / Sputnik, Kremlin Pool Photo via AP
«Upeŭnienyja ŭ tym, što rasijskaje vojska i narod abaviazkova atrymajuć vialikuju pieramohu ŭ śviaščennaj baraćbie za pakarańnie zboryšča zła, jakoje pretenduje na hiehiemoniju i maje ekspansijanisckija iluzii», — cytuje TASS Kim Čen Yna.
Taksama jon padniaŭ tost za pieramohu Rasii.
Pieramovy pamiž kiraŭnikami Rasii i KNDR prachodzili na kasmadromie Uschodni ŭ Amurskaj vobłaści. Spačatku kiraŭniki dziaržaŭ pahutaryli z udziełam delehacyj, potym — tet-a-tet. Pavodle pres-słužby Kramla, u paradku dnia byli pytańni dvuchbakovaha supracoŭnictva, u tym liku handlova-ekanamičnyja suviazi i kulturnyja abmieny, a taksama situacyja ŭ rehijonie i ŭ śviecie ŭ cełym. Padrabiaznaści damoŭlenaści nie paviedamlajucca.
Čytajcie taksama:
Stała viadoma, čym Pucin častuje Kim Čen Yna na ŭračystym abiedzie