Klaščy zastanucca ŭ Minsku da listapada. Dzie ŭ stalicy možna padčapić hetu zarazu
Ad kryvapiŭcaŭ nielha schavacca navat u samych papularnych miescach stalicy.
11.09.2023 / 14:31
Klešč. Fota: Wikimedia Commons
Za žnivień kolkaść ukušanych klaščami ŭ paraŭnańni ź lipieniem uzrasła. Sansłužba papiaredžvaje ab niebiaśpiecy, piša Tochka.by.
Zrešty, za 8 miesiacaŭ 2023 pakazčyk zvarotaŭ na 17,5% nižejšy ŭ paraŭnańni z anałahičnym pieryjadam minułaha hoda.
Śpiecyjalisty papiaredžvajuć, što iksodavyja klaščy ŭstojlivyja da nizkich tempieratur i mohuć vyžyvać u +5°S. Pazbavicca ad ich dapamohuć tolki pieršyja zamarazki.
Taksama kožny dziasiaty klešč pieranosić chvarobu Łajma.
Dzie ŭ Minsku moža ŭkusić klešč?
Samymi papularnymi miescami (80,5%), adkul dadomu prynosili klaščoŭ, stali lasy, sielskaja miascovaść i zaharadnyja chaty.
U Minsku sustreć ich čaściej za ŭsio možna ŭ lesaparku pa vuł. Hierasimienki — vuł. Anharskaja, u parkach Łošycki, Uručča i Čaluskincaŭ i Centralnym bataničnym sadzie.
Abarona ad klaščoŭ
Samy prosty sposab praduchilić ukus klašča i dla darosłych, i dla dziaciej — heta apranać na prahułki za horadam abo ŭ lesie śvietłuju vopratku, jakaja zakryvaje ruki i nohi, nie zabyvać pra hałaŭny ŭbor.
Klaščy nie padajuć na ludziej z dreŭ, jany siadziać u travie.
Tamu štany pažadana zapraŭlać u vysokija čaraviki abo ŭ škarpetki, a miescy dla hulniaŭ vybirać tam, dzie trava skošanaja.
Sprei, jakija adpužvajuć maškaru i kamaroŭ, nie dziejničajuć na klaščoŭ. Ad ich abaroniać inšyja srodki — insiektaakarycydy. Na adzieńnie dziciaci ich pavinny nanosić tolki darosłyja i tolki pa instrukcyi. Srodkaŭ ad klaščoŭ, jakija možna raspylać na skuru, pakul što nie isnuje.
Ukus klašča nie adčuvajecca, bo, upivajučysia ŭ skuru, jon vydzialaje abiazbolvalnaje.
Čytajcie taksama:
Vyrasła kolkaść vypadkaŭ chvaroby Łajma paśla ŭkusu klaščoŭ. U jakich rajonach lutujuć klaščy
Miedyki raskazali, dzie ŭ Minsku samyja kuślivyja klaščy
Srodki ad klaščoŭ i kamaroŭ, što pradajucca ŭ krainach ES. Jakija najlepšyja?