Prapahandystku STB Nadzieju Sas departavali ź Vienhryi
Prapahandystka Nadzieja Sas raskazała na STB, što pryjechała ŭ Vienhryju zrabić repartaž pra fond Sorasa, jaki zhortvaje svaju dziejnaść u Jeŭrasajuzie. Ale ŭłady Vienhryi nie puścili ŭ krainu žančynu. Jaje spynili ŭ aeraporcie, pratrymali noč u centry časovaha ŭtrymańnia i adpravili ŭ Biełaruś.
11.09.2023 / 08:33
Nadzieja Sas. Skryn videa
— Akazałasia, što ciapierašnija vienhierskija ŭłady nasupierak svajoj aficyjnaj rytorycy prajekt «Sas upaŭnavažany zajavić» bajacca bolš, čym samoha Sorasa, jakomu ŭjezdu ŭ Vienhryju nie zakryli, — skazała Sas.
Jana raspaviała, što joj zrabili «ŭsialakija pravierki prama ŭ aeraporcie Budapiešta, u vyniku zakryŭšy ŭjezd u Vienhryju i departavaŭšy».
Noč pierad departacyjaj jana praviała «ŭ supravadžeńni vienhierskaj palicyi ŭ aeraporcie, u centry časovaha ŭtrymańnia».
Prapahandystka vykazała mierkavańnie, što «vienhierskija śpiecsłužby vidavočna nie biez padkazki zaakijanskich kurataraŭ zrabili ŭsio mahčymaje, kab sarvać padrychtoŭku» jaje prahramy.
Nadzieja Sas z Ukrainy. Pracavała na telekanałach Miedźviedčuka.
Jana i jaje muž Aleh Vałošyn pierajechali z Ukrainy ŭ Biełaruś u 2022 hodzie, za 10 dzion da ŭvarvańnia rasijskich vojskaŭ. Ciapier jana viadzie prapahandysckaje šou na STB «Sas upaŭnavažany zajavić». Jaje muža, deputata Viarchoŭnaj rady Aleha Vałošyna, na radzimie padazrajuć u dziaržzdradzie.
Vienhryja — kraina ES, najbolš talerantnaja da palityki režymaŭ Rasii i Biełarusi siarod jeŭrapiejskich krain.
Čytajcie taksama:
Muža prapahandystki STB padazrajuć u dziaržaŭnaj zdradzie
Pracavała na telekanałach Miedźviedčuka. Chto takaja Nadzieja Sas — novaja prapahandystka STB