«Міс Беларусь — 2023» не змагла адказаць, хто напісаў «Паўлінку»
Элеаноры Качалоўскай, якая перамагла ў конкурсе, 23 гады, яна — менеджар у мадэльным агенцтве ў Нацыянальнай школе прыгажосці.
09.09.2023 / 11:03
Элеанора Качалоўская. Фота: БелТА
За перамогу ў конкурсе Элеанора атрымала грашовы прыз і падарункі — ювелірнае ўпрыгожанне, аўтамабіль Geely і збор твораў Янкі Купалы.
Кнігі сталі прыемным сюрпрызам ад Мінінфарма. У час фіналу дзяўчатам задавалі пытанні вядомыя беларускія жанчыны.
Элеаноры трэба было адказаць на пытанне артысткі Тэатра імя Янкі Купалы аб тым, хто аўтар «Паўлінкі», але дзяўчына разгубілася, піша «Спутнік».
Пасля новая «Міс Беларусі» паабяцала, што абавязкова прачытае п’есу і прыйдзе на «Паўлінку» ў Купалаўскі.
Таксама дзяўчына адзначыла, што адчувае вялікае пачуццё падзякі да сваёй краіны, і асабіста падзякавала Лукашэнку.
«Аляксандр Рыгоравіч, дзякуй, што вы даяце такім простым дзяўчатам магчымасць аказацца ў гэтай казцы», — сказала Элеанора.
Калі Лукашэнка 19 лютага 2021 года наведаў будынак Купалаўскага, яму паказалі менавіта «Паўлінку». А Вольга Няфёдава, будучы мастацкі кіраўнік тэатра, нават расплакалася. Фота: «Пул першага»
За тытул «Міс Беларусь» у фінале змагаліся 24 дзяўчыны.
Чытайце таксама:
Пад наглядам Аляксандра Лукашэнкі выбралі «Міс Беларусь — 2023»