На продаж выставілі недарагую кватэру з відам на галоўнае скрыжаванне Мінска. Час у ёй спыніўся

На продаж выставілі кватэру ў самым цэнтры Мінска. З яе балкона адкрываецца від на галоўнае скрыжаванне сталіцы — скрыжаванне праспекта Незалежнасці і вуліцы Леніна. Цана за такую лакацыю невялікая, але ўнутры кватэры спыніўся час, таму там трэба рабіць рамонт, піша Realt.by.

09.09.2023 / 09:42

Фота: Realt.by

Кватэра знаходзіцца ў доме на Незалежнасці, 22. Яго пабудавалі ў 1954 годзе. Цяпер гэты дом многім знаёмы па наступных установах: «Фрайдыс», «Свае», «Іль Патыа».

Фота: Realt.by

Кватэра знаходзіцца на чацвёртым паверсе. Агульная плошча — 54,6 квадрата. Столі — 3,3 метра. У яе вось такая планіроўка:

Фота: Realt.by

Хоць у кватэры і трэба рабіць рамонт, затое цяпер можна заўважыць некранутыя элементы інтэр'ера яшчэ з часоў здачы дома. Вось, напрыклад, вялізныя дзверы ў гасцёўню.

Фота: Realt.by

У гасцёўні на сябе звяртаюць увагу вінтажны столік, падстаўка пад тэлевізар і таршэр.

Фота: Realt.by

У другім пакоі таксама ёсць артэфакты, напрыклад: старая швейная машынка, крэсла і той самы сервант.

Фота: Realt.by

У кухні на сябе таксама звяртае ўвагу сервант. Глядзіце, колькі на яго патрачана дрэва.

Фота: Realt.by

Але галоўнае ў гэтай кватэры — гэта від з балкона. Зашкліць яго вам, дарэчы, ніхто не дасць, але ўсё ж.

Фота: Realt.by

Санвузел у кватэры паасобны, і там зроблены больш сучасны рамонт.

Фота: Realt.by

За кватэру просяць 109 тысяч даляраў (1996 даляраў за квадрат). І гэта нармальная цана для такой лакацыі.

А яшчэ цікава тое, што прадае кватэру Мінскае гарадское агенцтва дзяржаўнай рэгістрацыі і зямельнага кадастру.

Чытайце таксама:

Цэны растуць, а колькасць здзелак набліжаецца да рэкорду. Што адбываецца на рынку жылля і як новы ўказ Лукашэнкі адаб'ецца на ім

У Генеральскім доме на праспекце прадаецца двухпавярховая кватэра. Плошча — як у прыватнага дома

І нават кухня ёсць для Барбі. У Мінску прадаецца кватэра незвычайнай формы

Nashaniva.com