Łukašenka pavinšavaŭ Kim Čen Yna
«Biełaruski i paŭnočnakarejski narody zaŭsiody adstojvali svajo prava na suvierennaje raźvićcio i samastojny vybar svajoj budučyni», — havorycca ŭ vinšavańni.
09.09.2023 / 08:43
U Pchieńjanie prajšoŭ jubilejny parad u honar 75-hodździa ŭtvareńnia KNDR. Mierapryjemstva naviedali Kim Čen Yn i jaho dačka Kim Čžu E, a taksama pradstaŭniki z Rasii i Kitaja. Fota: CTAK
Alaksandr Łukašenka pavinšavaŭ kiraŭnika KNDR Kim Čen Yna z nacyjanalnym śviatam — Dniom utvareńnia Karejskaj Narodna-Demakratyčnaj Respubliki, paviedamlaje BiełTA.
«Biełaruski i paŭnočnakarejski narody zaŭsiody adstojvali svajo prava na suvierennaje raźvićcio i samastojny vybar svajoj budučyni, — havorycca ŭ vinšavańni. — Pryjemna adznačyć, što z momantu ŭstanaŭleńnia dypłamatyčnych adnosin supracoŭnictva pamiž našymi krainami raźvivajecca ŭ atmaśfiery družby, davieru i ŭzajemapavahi».
Łukašenka vykazaŭ upeŭnienaść, što kantakty Minska i Pchieńjana ŭ roznych halinach praciahnuć umacoŭvacca, unosiačy važki ŭkład u pabudovu bolš spraviadlivaha i bieskanfliktnaha śvietu, nabližajučy pierachod mižnarodnaj sistemy da šmatpalarnaha paradku.
Łukašenka pažadaŭ Kim Čen Ynu dobraha zdaroŭja i pośpiechaŭ na adkaznaj dziaržaŭnaj pasadzie, a narodu KNDR — ščaścia i dabrabytu.
Voś tolki pavodle zamiežnych miedyja ŭ KNDR u apošnija miesiacy pryjšoŭ hoład, ad jakoha ludzi ciapier pamirajuć.
Taksama apošnim časam kolkaść samahubstvaŭ u Paŭnočnaj Karei ŭ paraŭnańni ź minułym hodam pavialičyłasia na 40%. U pieršuju čarhu heta źviazana z halečaj, hoładam i represijami.
Materyjał pra hoład u KNDR: «Našy susiedzi pamirajuć ad hoładu». Redkija intervju Bi-bi-si z žycharami Paŭnočnaj Karei
Čytajcie taksama:
Paŭnočnakarejcaŭ zaklikali ratavać ad stychii partrety Kimaŭ
U KNDR źbieh amierykanski sałdat. Jon uciakaŭ śmiejučysia, ale jaho adrazu aryštavali
U Paŭnočnaj Karei zabaranili samahubstvy, bo jany ciapier ličacca «zdradaj Radzimie i sacyjalizmu»