Bujny suśvietny bank pierastanie pracavać u Biełarusi
Brytanskaja bankaŭskaja hrupa HSBC (Hongkong and Shanghai Banking Corporation) u kastryčniku spynić ažyćciaŭlać hrašovyja pieravody ŭ Rasiju i Biełaruś dla svaich karparatyŭnych klijentaŭ, paviedamlaje Myfin.by.
08.09.2023 / 14:21
Ofis banka ŭ Łondonie. Fota: Alastair Grant / AP
Jak paviedamlajecca, HSBC, jakaja bazujecca ŭ Łondanie i źjaŭlajecca najbujniejšym jeŭrapiejskim bankam pa sukupnych aktyvach, a taksama ŭvachodzić u top-10 pa hetym pakazčyku ŭ śviecie, jašče ŭ minułym miesiacy nakiravała paviedamleńni svaim biznes-klijentam ab tym, što z 27 kastryčnika jana bolš nie budzie absłuhoŭvać kamiercyjnyja płaciažy ŭ abiedźvie krainy z-za «ŭsio bolš składanaj narmatyŭna-pravavoj situacyi».
U razasłanych kampanijaj listach paviedamlałasia, što hetaja pastanova była pryniataja z metaj «minimizacyi apieracyjnaj nahruzki na Rasiju i Biełaruś navat u tych vypadkach, kali takaja dziejnaść dazvolenaja dziejnym zakanadaŭstvam i narmatyŭnymi aktami».
Pradstaŭniki HSBC zajavili, što hrupa pa-raniejšamu raźličvaje zaviaršyć prodaž svajho rasijskaha biznesu miascovamu kredytoru Expobank u 2023 hodzie, adnak ździełka ŭsio jašče čakaje adabreńnia miascovych orhanaŭ, pry hetym, pavodle ich słoŭ, novyja abmiežavańni na hrašovyja pieraličeńni nie źviazany ź pieradačaj aktyvaŭ, što majuć adbycca.
Čytajcie taksama:
Bankaŭskija kartki dla pajezdak za miažu. Što prapanujuć biełaruskija banki
Pryjorbank pavialičyŭ kamisiju za absłuhoŭvańnie valutnych rachunkaŭ
Aŭstryjski «Rajfajzen» spyniaje supracoŭnictva ź biełaruskimi bankami sa žniŭnia — krynicy