U Mahilovie pastavili vialiki hierb horada z «Pahoniaj» FOTAFAKT
Hierb Mahilova zaćvierdzili paśla zakančeńnia vajny Rečy Paspalitaj z Rasijaj za bajavyja zasłuhi horada.
08.09.2023 / 10:38
Fota: «Mahiloŭ anłajn»
Siamimietrovy hierb Mahilova ŭstalavali na skryžavańni Kaštanavaj — Krupskaj — Kulibina, paviedamlaje «Mahiloŭ anłajn».
Novaja architekturnaja kanstrukcyja źjaviłasia ŭ Mahilovie niekalki dzion tamu, jana paŭtaraje vyjavu hierba horada, zaćvierdžanaha Janam II Kazimiram u 1661 hodzie.
Fota: «Mahiloŭ anłajn»
Usim viadomy simvał Mahilova ŭjaŭlaje saboj try siarebranyja viežy. U adkrytych varotach siaredniaj — siarebrany rycar u daśpiechach z padniatym nad hałavoj miačom. Uviersie nad varotami na kruhłym čyrvonym ščycie pad dacham centralnaj viežy znachodzicca siarebrany ŭzbrojeny vieršnik ź miačom i ščytom.
Fota: «Mahiloŭ anłajn»
Hierb zaćvierdzili paśla zakančeńnia vajny Rečy Paspalitaj z Rasijaj za bajavyja zasłuhi Mahilova.