Iłan Mask sarvaŭ ukrainskuju ataku na Krym, adklučyŭšy Starlink — CNN
Letaś amierykanski miljarder Iłan Mask adklučyŭ ukrainskim vajskoŭcam dostup da internetu praz spadarožnikavuju suviaź Starlink u rajonie Kryma, kab nie dać im pravieści ataku na rasijski vajskova-marski fłot, havorycca va ŭryŭku novaj bijahrafii Maska aŭtarstva Uołtara Ajzieksana, paviedamlaje CNN.
07.09.2023 / 17:58
Iłan Mask. Fota: Chesnot/Getty Images
Kali ŭkrainskija padvodnyja bieśpiłotniki z vybuchoŭkaj nablizilisia da rasijskich karabloŭ, jany «stracili suviaź i ich vykinuła na bierah, jany nie pryčynili škody», piša Ajzieksan.
Jon raskazaŭ taksama, što takoje rašeńnie Mask pryniaŭ z-za bojazi ŭdaru ŭ adkaz Rasii z vykarystańniem jadziernaj zbroi. Strachi ŭ jaho, maŭlaŭ, uźnikli paśla razmovy «z vysokapastaŭlenymi rasijskimi čynoŭnikami», adznačaje bijohraf miljardera.
Čytajcie taksama:
«O boža, heta niadobra!» Mask raskazaŭ pra «cudoŭnuju razmovu» z Pucinym