Прадаўца кніг на Wildberries арыштавалі на 13 сутак
Органы пракуратуры разгарнулі паляванне за кнігамі, якія былі выдадзеныя пад эгідай Анатоля Тараса, якія былі прызнаныя экстрэмісцкімі матэрыяламі.
07.09.2023 / 14:49
Пракуратура Першамайскага раёна Мінска выявіла кнігу Алега Усачова «Хто, як і навошта забіў Вільгельма Кубэ» пад рэдакцыяй Анатоля Тараса ў інтэрнэт-краме Wildberries, піша Reform.by.
Пракуратура ўстанавіла прадаўца кнігі. У дачыненні да яго склалі адміністрацыйны пратакол па артыкуле аб распаўсюдзе экстрэмісцкіх матэрыялаў (арт.19.11 КаАП). Па рашэнні суда мужчыну арыштавалі на 13 сутак.
Нядаўна пракуратура выявіла яшчэ адну кнігу Тараса ў продажы. Па патрабаванні пракуратуры выданне канфіскавалі.