Siońnia ŭ Minsku adkryvajecca «Vosieński sałon»
Štohadovaja vystava-prodaž «Vosieński sałon» prachodzić u Minsku z 2015 hoda. Prajekt raspačynaŭsia ź inicyjatyvy Viktara Babaryki z metaj stymulavańnia biełaruskaha art-rynku i padtrymki maładych mastakoŭ, piša Reform.by.
07.09.2023 / 13:41
Sałon — adzin z dvuch mastackich prajektaŭ Biełhazprambanka, jakija adbyvajucca štohod.
Druhi ź ich «Art-Minsk», jaho ładziać naprykancy viasny — u pačatku leta, pačynajučy z 2018-ha.
«Vosieński sałon» — vystava-prodaž maładych mastakoŭ. Raboty moža prynieści luby tvorca adpaviednaha ŭzrostu, adnak dla ŭdziełu treba prajści adbor prafiesijnaha žury.
Sioleta na vystavu trapili tvory 220 maładych biełaruskich mastakoŭ (žyvapis, hrafika, fatahrafija, skulptura, dekaratyŭna-prykładnoje mastactva i instalacyja).
Tvory buduć dastupnyja da prahladu ŭ Pałacy mastactva na Kazłova, 3, a taksama na anłajn-płatformie @artcenter.by, dzie naviedvalniki zmohuć atrymać dadatkovuju infarmacyju ab kožnaj pracy, skanujučy QR-kod na etykietcy.