Japonija moža stać piataj krainaj, jakaja paśpiachova zapuściła misiju na Miesiac

Hetaj ranicaj japonskaja rakieta H-IIA z pasadačnym modulem Slim «Moon Sniper» startavała z kasmadroma Taniehašyma.

07.09.2023 / 10:19

Fota: «Naša Niva»

Prajekt «Miesiacovy snajpier» maje na mecie ździejśnić biaśpiečnuju pasadku na pavierchniu spadarožnika aparata Smart Lander for Investigating Moon (SLIM), jaki adroźnivajecca vysokaj dakładnaściu pasadki, što dazvalaje apuścicca ŭ miežach 100 mietraŭ ad peŭnaj celi na Miesiacy.

Japonskaje kaśmičnaje ahienctva JAXA płanuje realizacyju misii na pačatak 2024 hoda.

Raspracoŭščyki aparata ličać, što ŭ budučyni Slim dazvolić ludziam vysadžvacca ŭ składaniejšych miescach i na płanietach z abmiežavanymi resursami, paviedamlaje «Novaje vydańnie».

Da hetaha paśpiachova zapuskali misii na Miesiac ZŠA, SSSR, Kitaj i Indyja.

Nashaniva.com