Načnaja ataka pa Adeskaj vobłaści: Pavietranyja siły Ukrainy źbili 22 z 25 «Šachiedaŭ»
U noč na 3 vieraśnia rasiejcy atakavali 25 udarnymi bieśpiłotnikami «Šachied» poŭdzień Adeskaj vobłaści. Pavietranyja siły źbili 22 BPŁA. Jość traplańni ŭ prypartovuju infrastrukturu, paciarpieli dvoje cyvilnych, paviedamlaje pres-słužba Pavietranych sił.
03.09.2023 / 08:19
«U noč na 3 vieraśnia 2023 hoda rasijskija akupanty ździejśnili niekalki chvalaŭ napadaŭ udarnymi BPŁA «Shahed-136/131» z paŭdniovaha i paŭdniova-ŭschodniaha kirunku (mys Čaŭda, Krym, i Prymorska-Achtarsk, RF)».
Paviedamlajecca, što ŭsiaho byli zafiksavany puski 25 udarnych BPŁA «Shahed-136/131», jakija atakavali paŭdniovyja rajony Adeskaj vobłaści.
22 BPŁA ŭkrainskija vajskoŭcy źniščyli.
Pavietranyja siły nie ŭdakładniajuć, kudy trapili try niaźbityja drony.
Rasija nanosić udary pa Adesie i Adeskaj vobłaści ź siaredziny lipienia paśla vychadu sa zbožžavaj ździełki. Ukrainskija ŭłady nazyvali ich metaj partovuju infrastrukturu i zbožžaschoviščy.
Čytajcie taksama:
Bieśpiłotniki ŭnačy znoŭ sprabavali atakavać Krymski most
Ukraina atrymała ad ZŠA sistemy VAMPIRE dla baraćby z rasijskimi dronami
SBU atakavała aeradrom u Kursku 27 žniŭnia kardonnymi dronami — «Ukrainskaja praŭda»